حاسبات تداول الفوركس — حجم الصفقة وقيمة النقطة والهامش

حاسبة حجم الصفقة

الحسبة الوحيدة اللي لازم تسويها قبل كل صفقة. إنت ما تختار حجم اللوت — وقف الخسارة ونسبة المخاطرة هما اللي يختارونه لك.

حاسبة قيمة النقطة

النقطة هي الخانة الرابعة بعد الفاصلة في أغلب الأزواج، والثانية في أزواج الين. قيمتها تعتمد على حجم صفقتك وعلى عملة التسعير.

خانة السعر الأخيرة تخليها 1 إذا كانت عملة التسعير هي نفسها عملة حسابك — مثل EUR/USD وحسابك بالدولار. وإذا كانت مختلفة، اقسم ١ على سعر الزوج: حساب بالدولار على USD/JPY والسعر 151.40 يعني تكتب 1 ÷ 151.40 = 0.0066.

حاسبة الهامش المطلوب

الهامش هو المبلغ اللي يجمّده الوسيط من حسابك عشان يفتح لك الصفقة. مو تكلفة — بس محجوز لين تسكّر.

حاسبة الربح والخسارة

احسبها قبل ما تدخل، مو بعدها. لو الرقم اللي يطلع لك يخوّفك، حجم صفقتك كبير عليك.

حاسبة الفائدة المركّبة

تبيّن لك شلون يكبر الحساب لو حققت عائد ثابت. اقرأ التحذير تحتها قبل ما تصدّق الرقم.

حاسبة تكلفة التبييت (السواب)

كل ليلة تبقى فيها الصفقة مفتوحة، الوسيط يخصم أو يضيف فائدة تبييت. رقم صغير في الليلة، لكنه يتراكم على الصفقات الطويلة.

ليلة الأربعاء تُحتسب ثلاث مرات عند أغلب الوسطاء، لأن تسوية السوق يومان عمل، فتُضاف عطلة نهاية الأسبوع مقدّماً. وإذا كان حسابك إسلامياً بدون سواب، حط 0 في خانة السواب — بس تأكد إن الوسيط ما يستبدلها برسوم إدارية ثابتة، لأن بعضهم يسوّي جي.